Nulis Jowo: Gampang2 Angel

Tibane gak gampang yo nulis nggawe boso jowo iku? Meskipun bendino ngomongku yo nggawe boso jowo. Mikir ae yo sik nggawe boso jowo kok. Gak mesti boso ngoko se meskipun logatku medhok-suroboyoan. Kadang yo rodo alus, sepisan maneh, RODO alus, lek karo sing luwih tuwek --kecuali lek sing luwih tuwek mau gak gelem dialusi.

Sing gampang diomongno ternyata iso gak jelas lek ditulis. Durung maneh lek onok perbedaan arti sebuah istilah utowo perbedaan istilah gawe nyebut sesuatu. Lali aku lek sampean kongkon nyebut contone opo, tapi sampean ngerti lah maksudku :) Gak usah adoh-adoh ANGEL lek diwoco selain wong jowo. Sesama wong jowo pun, opo lebih khusus, sesama wong jowo timur pun iso-iso yo mercing-mercing moco tulisan iki :D Gak popo wes, sing penting iso ngerameni internet.

NB: NB boso jowone opo yo? :))
NB maneh: Untunge nulise gak perlu nggawe aksoro jowo sing kruwel-kruwel iku #:-S

Daftar istilah:
* bendino: saben dino
* angel: susah
* mercing-mercing: opo yo? yo mercing-mercing :D

Rujakan Cingurmu

Rujak cingur iku panganane wong Jawa Timur. Aseli. Eh, mbuh asli mbuh gak se. Sing jelas, prasaku sing sering tak temoni lek rujak cingur iku yo akeh-akehe ndik Jawa Timur. Biasae digae mangan awan. Kanggone wong sing gak biasa mangan petis, rujak cingur yo rasane gak karu-karuan. Bojoku sing wong Jawa Barat lek ngarani ngene : "Kok onok yo nanas dicampur mbek petis, timun, terus dikek'i cingur. Mbayangne cingure sapi dipangan ae wis eneg". Yo mesti ae ngomonge nggae boso Indonesia, tak terjemahne. Tapi iku biyen se, saiki yo wis rodok seneng, masiyo lek ndelok rupane mbleketheg ngono kadang-kadang jare yo gak tego mangane.

Onok maneh cingur. Ndik Jawa Timur iku lek onok wong ngomong "cingurmu" iku maksude ngelokno wong sing cangkeme ngomong-e gak bener. Isok ae kelincipen, misale. Tingkatane yo meh podo kasare karo cangkemmu, tapi lek cingurmu iku biasae digae guyon. Lha cingur iku dewe lak gusine sapi tah lek gak salah. Mbuh bek-bek-e arek-arek isok mbenerne lek salah.

Lha lek rujakan cingurmu iku maknane yo yok opo lek awake dewe rujakan cingur sampeyan ?. Harfiahe ngono, tapi lek di karang-karang yo isok ae dadine rujakan cangkem, rujakan omongan ngono. Jenenge ae di karang-karang mestine yo di uthak-athik cek-ne gathuk. Karepe sakjane ngono mek arep nggae blog sing isine blekethekan koyok rujak cingur ngono. Lek didelok thok pancene koyo nggilani, tapi sakwise dirasa-rasakne yo luwih nggilani :). Lha isine, yo koyok cingur sing kelincipen iku mau..

Yo wis, disekecakake.. Mbok menowo onok sing katene dadi kontributor yo monggo ae, wong mandhak gratisan ae, pokoke isine ditanggung dewe-dewe lak gak popo tah ?